पालघर शहराच्या पूर्वेकडील नवली भागातील भोगोला पाडा, मनोर लगतच्या नेटाळी, सातीवली, भोपोली, औद्योगिक वसाहती लगत वृंदावन एमआयडीसी, बेटेगाव, नागझरी, सफाळे रेल्वे स्थानकाच्या पश्चिमेकडील वेढी, जव्हार तालुक्यातील जामसर आणि विक्रमगड तालुक्यातील देहरजे येथे ही नवीन केली जाणार उपकेंद्रे निर्माण आहेत. उपकेंद्रांच्या निर्मितीसाठी महावितरण कंपनीच्या आरडीएस योजनेतून निधी उपलब्ध करून दिला जाणार आहे. पालघर जिल्ह्यात महावितरण कं पनीच्या विजवितरणाचे जाळे जुनाट झाले आहे. लोकसंख्या वाढीसह उद्योग वाढल्याने विजेच्या मागणीत वाढ झाली आहे, त्यामुळे अनेक उपकेंद्रे ओव्हरलोड क्षमतेने कार्यरत आहेत. उपकेंद्रांपासून प्रत्यक्ष वीज ग्राहकांपर्यंत वीजपुरवठा करणाऱ्या फिडरच्या विजवाहिन्यांमधील अंतर लांबचे असल्याने तांत्रिक बिघाडांच्या संख्येत वाढ होऊन विजेचा लपंडाव होत होता. अनियमित वीज पुरवठयामुळे घरगुती ग्राहकांसह व्यवसायिक वीज ग्राहकांचे मोठे नुकसान होत असल्याने ग्रामीण भागातील वीज वितरणाच्या जाळ्यात बदल करण्याची मागणी केली जात होती.